எமது பிரதேச செயலக ஊழியர் நலன்புரி சங்கத்தினால் ஒழுங்குபடுத்தப்பட்ட சேவை நலன் பாராட்டு விழா 21.09.2022 ஆம் திகதி மதியம் 1.30 மணியளவில் எமது பிரதேச செயலக புதிய மாநாட்டு மண்டபத்தில் பிரதேச செயலாளர் தலைமையில் நடைபெற்றது.
இந்நிகழ்வானது மங்கள விளக்கேற்றலுடன் ஆரம்பமாகி தொடர்ந்து எமது பிரதேச செயலக உத்தியோகத்தர்களினால் இறைவணக்கம் நிகழ்த்தப்பட்டது.
அதனை தொடர்ந்து எமது பிரதேச செயலக உதவி பிரதேச செயலாளரினால் வரவேற்புரையும் பிரதேச செயலாளரினால் தலைமையுரையும் நிகழ்த்தப்பட்டது.
தொடர்ந்து எமது அலுவலகத்தில் கடமைபுரிந்து ஓய்வூதியம் பெற்ற அலுவலர்கள் மற்றும் ஏனைய பிரதேச செயலகத்திற்கு இடமாற்றம் பெற்று சென்ற அலுவலர்களுக்கான வாழ்த்துரை பதவிநிலை உத்தியோகத்தர்களினாலும் மற்றும் பிரதேச செயலக அலுவலர்களினாலும் நிகழ்த்தப்பட்டது.
தொடர்ந்து ஓய்வூதியம் பெற்ற அலுவலர்கள் மற்றும் ஏனைய பிரதேச செயலகத்திற்கு இடமாற்றம் பெற்று சென்ற அலுவலர்களுக்கான கௌரவிப்பு நிகழ்வு மற்றும் அவர்களின் ஏற்புரை இடம்பெற்றது.
இறுதி நிகழ்வாக ஊழியர் நலன்புரி சங்க உப செயலாளரினால் நன்றியுரை நிகழ்த்தப்பட்டு இந்நிகழ்வு இனிதே நிறைவடைந்தது.
