ஒளிவிழா - 2021

எமது பிரதேச செயலகத்தில் 29.12.2021 ஆம் திகதி ஒளிவிழா நிகழ்வு நடைபெற்றது. இதில் இனிய விருந்தினராக அருட்பணி அருட்செல்வன் அவர்கள், பங்குத்தந்தை, புனித மிக்கேல் ஆலயம், உரும்பிராய் அவர்கள் பங்குபற்றி இந்நிகழ்வை சிறப்பித்திருந்தார்.

இந்நிகழ்வின் ஆரம்ப நிகழ்வாக ஒளியேற்றல் இடம்பெற்றது. அதனை தொடர்ந்து இறைவார்த்தை வழிபாடு  மற்றும் வரவேற்பு நடனம் இடம்பெற்றது. அதனை தொடர்ந்து எமது பிரதேச செயலக உதவிப் பிரதேச செயலாளரினால் வரவேற்புரை நிகழ்த்தப்பட்டது. தொடந்து எமது பிரதேச செயலக பிரதேச செயலாளரினால் தலைமையுரை நிகழ்த்தப்பட்டது.   இனிய விருந்தினரால் நத்தார் செய்தி மொழியப்பட்டது. தொடர்ந்து அலுவலக உத்தியோகத்தர்களால் கரோல் கீதங்கள் இயற்றப்பட்டது. இறுதியாக கிறிஸ்மஸ் தாத்தா வருகை தந்து பரிசில்கள் வழங்கப்பட்டது. இறுதியாக நன்றியுரையுடன் இந்நிகழ்வு இனிதே நிறைவடைந்தது.

செம்புலம் மலர் 03 நூல் வெளியீடும் செம்புலம் ஆவணப் பேழை வெளியீடும் நிகழ்வு

 

வடமாகாண பண்பாட்டலுவல்கள் திணைக்களத்தின் நிதி அனுசரணையில் வலிகாமம் கிழக்கு பண்பாட்டுப் பேரவையும் பிரதேச செயலகமும் இணைந்து நடாத்திய செம்புலம் மலர் 03 நூல் வெளியீடும் செம்புலம் ஆவணப் பேழை வெளியீடும் எமது பிரதேச செயலக புதிய மாநாட்டு மண்டபத்தில் 22.12.2021 ஆம் திகதி பி.ப 3.00 மணிக்கு நடைபெற்றது.

இந்நிகழ்வில் திருமதி.ராதிகா சன்சீவன் (உதவி பிரதேச செயலாளர், வலிகாமம் கிழக்கு, கோப்பாய்) தலைமையில் இடம்பெற்றது. இதில் பிரதம விருந்தினராக திருமதி.சுபாஜினி மதியழகன் (பிரதேச செயலாளர், பண்பாட்டுப் பேரவைத் தலைவர், வலிகாமம் கிழக்கு, கோப்பாய்) அவர்களும் சிறப்பு விருந்தினராக திரு.இம்மானுவேல் ஜோன்சன் (கலாசார உத்தியோகத்தர், பிரதேச செயலகம் , யாழ்ப்பாணம்) அவர்களும் கலந்து கொண்டு இந்நிகழ்வினை சிறப்பித்திருந்தனர்.

 

தெல்லிப்பளை பிரதேச செயலக பிரிவிலிருந்து இடம்பெயர்ந்த மக்களது விடுவிக்கப்படாத காணிகளை அடையாளப்படுத்தும் நிகழ்வு

 

தெல்லிப்பளை பிரதேச செயலக பிரிவிலிருந்து இடம்பெயர்ந்த மக்களது விடுவிக்கப்படாத காணிகளை அடையாளப்படுத்தும் நிகழ்வு 21.12.2021 மற்றும் 22.12.2021 ஆம் திகதிகளில் எமது பிரதேச செயலகத்தில் இடம்பெற்றது.

இதில் மாவட்ட செயலக உத்தியோகத்தர்களும், தெல்லிப்பளை பிரதேச செயலக உத்தியோகத்தர்களும், கோப்பாய் பிரதேச செயலக உத்தியோகத்தர்களும் இணைந்து Google Map இல் அடையாளப்படுத்தினர்.