-
මුල් පිටුව
- පුවත්
வலிகாமம் கிழக்கு பிரதேச செயலாளர் அவர்களின் வழிகாட்டலில் பிரதேச தொழிற்துறைத் திணைக்கள உத்தியோகத்தர் ஒழுங்கமைப்பில் உரும்பிராய் மேற்கு கிராம சேவையாளர் பிரிவில் 14.07.2026, 17.07.2026 ஆகிய இரு நாட்கள் காலை 9.00 மணி தொடக்கம் 3.00 வரை உணவு உற்பத்தி பயிற்சி நெறியானது சிறப்பாக நடைபெற்றது. உரும்பிராய் மேற்கு கிராம அபிவிருத்திச் சங்க மண்டபத்தில் பிரதேச தொழிற்துறை திணைக்கள அபிவிருத்தி உத்தியோகத்தர் தலைமையில் நடை பெற்ற இந் நிகழ்வின் வளவாளராக மாவட்ட விதாதா உத்தியோகத்தர் திருமதி கோமதி மாயக்கிருஷ்ணன் ( விஞ்ஞான தொழில்நுட்ப உத்தியோகத்தர்) அவர்கள் கலந்து சிறப்பித்ததுடன் அப் பிரிவு கிராம சேவையாளர், பொருளாதார அபிவிருத்தி உத்தியோகத்தர் சமுர்த்தி அபிவிருத்தி உத்தியோகத்தர், பிரதேச விதாதா வள நிலைய உத்தியோகத்தர் மற்றும் 12 தொழில் முயற்சியாளர்கள் என பலரும் கலந்து கொண்டு சிறப்பித்தனர். இரண்டு நாட்கள் நடைபெற்ற இத் தொழில்நுட்ப பரிமாற்ற பயிற்சி நெறியில் கச்சான் அலுவா, எள் அலுவா, சோளன்மா தொதல், பூந்தி, பனீர், அரிசி சேர் மிக்சர், அரிசி சேர் ரொபி போன்ற பலவகையான உணவு உற்பத்திக்கான பயிற்சிகள் சிறப்பாக மேற்கொள்ளப்பட்டன.
<
மனிதவலு வேலைவாய்ப்பு திணைக்களமும் கோப்பாய் பிரதேச செயலகமும் இணைந்து நடாத்திய Empower Youth Programme ஆனது 17.07.2026 அன்று பிரதேச செயலக மாநாட்டு மண்டபத்தில் நடைபெற்றது. இந்த நிகழ்வில் கலந்துகொண்ட இளைஞர் யுவதிகளுக்கு CV writing and Interview Behaviours தொடர்பான பல விடயங்களானது செயல் முறைப்பரீட்சைகளுடன் மாவட்ட செயலக மனிதவள வேலைவாய்ப்புத்திணைக்கள இணைப்பாளர்களால் சிறப்பாக நடாத்தப்பட்டது......
<
மாகாண தொழிற்துறை திணைக்களத்தின் கீழ் 2026 ம் ஆண்டு மாகாண குறித் தொதுக்கப்பட்ட அபிவிருத்தி நன்கொடை (PSDG) வேலைத்திட்டத்தின் கீழ் வலிகாமம் கிழக்கு பிரதேச செயலாளர் அவர்களின் வழிகாட்டலில் உரும்பிராய் மேற்கு கிராம சேவையாளர் பிரிவில் 07.07.2026, 08.07.2026 ஆகிய இரு நாட்கள் காலை 9.00 மணி தொடக்கம் 3.00 வரை பப்பட உற்பத்தி பயிற்சி நெறியானது சிறப்பாக நடைபெற்றது. உரும்பிராய் மேற்கு கிராம அபிவிருத்திச் சங்க மண்டபத்தில் பிரதேச தொழிற்துறை திணைக்கள அபிவிருத்தி உத்தியோகத்தர் தலைமையில் நடை பெற்ற இந் நிகழ்வின் வளவாளராக மாவட்ட விதாத உத்தியோகத்தர் திருமதி கோமதி மாயக்கிருஷ்ணன் (விஞ்ஞான தொழில்நுட்ப உத்தியோகத்தர்) அவர்கள் கலந்து சிறப்பித்ததுடன் அப் பிரிவு கிராம சேவையாளர், பொருளாதார அபிவிருத்தி உத்தியோகத்தர் சமுர்த்தி அபிவிருத்தி உத்தியோகத்தர் மற்றும் 25 தொழில் முயற்சியாளர்கள் என பலரும் கலந்து கொண்டு சிறப்பித்தனர். இரண்டு நாட்கள் நடைபெற்ற இத் தொழில்நுட்ப பரிமாற்ற பயிற்சி நெறியில் சாதாரண பப்படம், மிளகு பப்படம், சீரக பப்படம், முருங்கை கீரை பப்படம், சங்குப்பூ பப்படம் போன்ற பலவகையான பப்படங்கள் உற்பத்திக்கான பயிற்சிகள் சிறப்பாக மேற்கொள்ளப்பட்டன.
<
வடக்கு மாகாண தொழிற்துறை திணைக்களத்தின் கீழ் யாழ் மாவட்டத்திற்குட்பட்ட நெசவுப் போதனாசிரியர்கள், நெசவாளர்கள், பயிற்சியாளர்கள், மற்றும் பயிற்றுவிப்பாளர் கள்(TOTs) போன்ற 20 பங்குபற்றுனர்களுக்கு Norway design நெசவு தொடர்பான விசேட பயிற்சியானது கோப்பாய் பிரதேச செயலகத்திற்குட்பட்ட சிறுப்பிட்டி நெசவு நிலையத்தில் பிரதேச தொழிற்துறை அபிவிருத்தி உத்தியோகத்தர் தலைமையில் ஆரம்பமாகி 4 நாட்கள் சிறப்பாக நடைபெற்றது. இப் பயிற்சி கொழும்பில் இருந்து வருகை தந்த விசேட பயிற்றுவிப்பாளர் குழாமினால் வடிவமைக்கப்பட்டு சிறப்பான வகையில் பயிற்சியளிக்கப்பட்டமை குறிப்பிடத்தக்கது.
<
<
News & Events
மாகாண சமூக சேவைகள் திணைக்களத்தினால் கோப்பாய் பிரதேச செயலக பிரிவினைச் சேர்ந்த விசேட தேவையுடையவர்களுக்கு அவர்களின் நாளாந்த கடமைகளை தாமே மேற்கொள்ளக் கூடிய வகையிலும் அவர்களது இயலாமையினைக் குறைக்க கூடிய வகையிலும் பொருத்தமான உதவி உபகரணங்கள் வழங்கி வைக்கப்பட்டது
பயனாளிகளினால் முன்வைக்கப்படும் கோரிக்கைகளுக்கேற்ப வைத்திய அதிகாரியின் சிபாரிசுடன் மேற்படி உபகரணங்கள் வழங்கி வைக்கப்படுகின்றன. இதில் சாதாரண சற்கரநாற்காலி, நடைச்சட்டகம், ஊன்றுகோல் விசேட இயங்கு திறன் கூடிய சற்கரநாற்காலி என்பன வழங்கி வைக்கப்பட்டன. இத்துடன் வருமானம் குறைந்த நபர்களுக்கான மூக்கு கண்ணாடி, காது கேட்கும் கருவி, செயற்கை அவயம் பொருத்துதல், மூன்று சில்லு வண்டி, கழிவுக்கல நாற்காலி, படுக்கையில் உள்ள விசேட தேவையுடையவர்களுக்கான கட்டில், மெத்தை போன்ற உபகரணங்களும் சமூக சேவைகிளையினால்...
கல்வி பயிலும் விசேட தேவை உடைய பிள்ளைக்கு தேவையான பம்பஸ் வழங்கி வைத்தல்.
நன்கொடையாளர் ஒருவரின் அன்பளிப்பில் விசேட தேவையுடைய பாடசாலை கல்வியினை தொடங்கும் பிள்ளைக்கு உதவி வழங்கி வைக்கப்பட்டது. இந்நிகழ்வில் பிரதேச செயலாளர் சமூக சேவை உத்தியோகத்தர் சிறுவர் உரிமைகள் மேம்பாட்டு உத்தியோகத்தர் ஆகியோர் கலந்து கொண்டனர்.
முதியோர் மாற்றுத்திறனாளிகள் தின விழா 08.09.2026
மாகாண சமூக சேவைகள் திணைக்களம் மற்றும் Fair med நிறுவனத்தின் அனுசரணையுடன் உடுவில் பிரதேச செயலகத்துடன் இணைந்து 2026 ஆம் ஆண்டிற்கான முதியோர் மாற்றுத்திறனாளிகள் தின விழா 08.09.2026 ஆம் திகதி அன்று காரைநகர் கசூரினா கடற்கரை வளாகத்தில் கொண்டாடப்பட்டது. இதில் முதியோர் பேரவை உறுப்பினர்கள் மற்றும் மாற்றுத்திறனாளிகளுக்கான அமைப்பினைச் சேர்ந்தவர்கள் கலந்து கொண்டு தமது திறன்களை வெளிப்படுத்தியதுடன் விளையாட்டுக்களிலும் பங்கு பற்றி மகிழ்ந்தனர். இந்நிகழ்வு சமூக சேவை உத்தியோகத்தர்...
වෙනත් ප්රාදේශීය ලේකම් කාර්යාල
ප්රධාන මෙනුව
අප හා සම්බන්ධවන්න
ප්රාදේශීය ලේකම් කාර්යාලය,
කෝප්පායි,
යාපනය
ශ්රී ලංකාව.
+94 21 223 0011
info@valikamameast.ds.gov.lk