Divisional Secretariat - Kopay

பயனாளிகளினால் முன்வைக்கப்படும் கோரிக்கைகளுக்கேற்ப வைத்திய அதிகாரியின் சிபாரிசுடன் மேற்படி உபகரணங்கள் வழங்கி வைக்கப்படுகின்றன. இதில் சாதாரண சற்கரநாற்காலி, நடைச்சட்டகம், ஊன்றுகோல் விசேட இயங்கு திறன் கூடிய சற்கரநாற்காலி என்பன வழங்கி வைக்கப்பட்டன. இத்துடன் வருமானம் குறைந்த நபர்களுக்கான மூக்கு கண்ணாடி, காது கேட்கும் கருவி, செயற்கை அவயம் பொருத்துதல், மூன்று சில்லு வண்டி, கழிவுக்கல நாற்காலி, படுக்கையில் உள்ள விசேட தேவையுடையவர்களுக்கான கட்டில், மெத்தை போன்ற உபகரணங்களும் சமூக சேவைகிளையினால் வழங்கி வைக்கப்படுகிறது.

<

மாகாண சமூக சேவைகள் திணைக்களம் மற்றும் Fair med நிறுவனத்தின் அனுசரணையுடன் உடுவில் பிரதேச செயலகத்துடன் இணைந்து 2026 ஆம் ஆண்டிற்கான முதியோர் மாற்றுத்திறனாளிகள் தின விழா 08.09.2026 ஆம் திகதி அன்று காரைநகர் கசூரினா கடற்கரை வளாகத்தில் கொண்டாடப்பட்டது. இதில் முதியோர் பேரவை உறுப்பினர்கள் மற்றும் மாற்றுத்திறனாளிகளுக்கான அமைப்பினைச் சேர்ந்தவர்கள் கலந்து கொண்டு தமது திறன்களை வெளிப்படுத்தியதுடன் விளையாட்டுக்களிலும் பங்கு பற்றி மகிழ்ந்தனர். இந்நிகழ்வு சமூக சேவை உத்தியோகத்தர் மற்றும் சமூக சேவை கிளை உத்தியோகத்தர்களின் ஏற்பாட்டில் நடைபெற்றது

<

<

நன்கொடையாளர் ஒருவரின் அன்பளிப்பில் விசேட தேவையுடைய பாடசாலை கல்வியினை தொடங்கும் பிள்ளைக்கு உதவி வழங்கி வைக்கப்பட்டது. இந்நிகழ்வில் பிரதேச செயலாளர் சமூக சேவை உத்தியோகத்தர் சிறுவர் உரிமைகள் மேம்பாட்டு உத்தியோகத்தர் ஆகியோர் கலந்து கொண்டனர்.

கோப்பாய் பிரதேச செயலகத்தில் வசிக்கும் உடல்நிறைசுட்டி குறைவாகவுள்ள போஷாக்கு குறைபாடுடைய விசேட தேவையுடைய 10 பிள்ளைகளுக்கு 4ஆம் கட்டமாக போசாக்கு உலர் உணவு பொதி 10.09.2026 திகதியன்று வழங்கி வைக்கப்பட்டது. இத் திட்டமானது தொடர்ச்சியாக ஆறு மாதங்களுக்கு மாகாண சமூக சேவைகள் திணைக்களத்தினால் நடைமுறைப்படுத்தப்படுவதுடன் இதற்கான பயனாளிகள் கோப்பாய் சுகாதார வைத்திய அதிகாரி பணிமனையினால் தெரிவு செய்யப்பட்டு சமூக சேவை உத்தியோகத்தரின் உறுதிப்படுத்தலுடன் வலி கிழக்கு தென்பகுதி பல நோக்கு கூட்டுறவு சங்கத்தின் ஊடாக பெற்று வழங்கி வைக்கப்படுகிறது. இந்நிகழ்வில் பிரதேச செயலாளர், சமூக சேவை உத்தியோகத்தர், கூட்டுறவு அபிவிருத்தி உத்தியோகத்தர் மற்றும் சமூக சேவை கிளை உத்தியோகத்தர்கள் ஆகியோர் கலந்து கொண்டனர்.

<