Divisional Secretariat - Kopay

<

சனாதிபதி நிதியத்தின் செயற்பாடுகளைப் பிரதேச மட்டத்திற்கு பரவலாக்கியமைக்காக மூன்றாம் இடத்தை கோப்பாய் பிரதேச செயலகம் பெற்றுக்கொண்டது. சனாதிபதி நிதியத்தின் செயற்பாடுகளைப் பிரதேச மட்டத்திற்கு பரவலாக்கியமைக்காக சிறப்பாகச் செயற்பட்ட பிரதேச செயலகங்களை மதிப்பீடு செய்து, வடக்கு மாகாணத்தின் ஐந்து மாவட்டங்களிலும் முதல் மூன்று இடங்களைப் பெற்ற பிரதேச செயலகங்களுக்கு விருது வழங்கும் நிகழ்வு 26.09.2026 அன்று கிளிநொச்சி மாவட்டச் செயலகத்தில் நடைபெற்றது. யாழ்ப்பாண மாவட்டத்தில் முதலிடத்தை நல்லூர் பிரதேச செயலகமும், இரண்டாம் இடத்தை தென்மராட்சி பிரதேச செயலகமும், மூன்றாம் இடத்தை கோப்பாய் பிரதேச செயலகமும் பெற்றுக்கொண்டன.

இந்நிகழ்வில் பிரதம விருந்தினராக பாராளுமன்ற சபாநாயகர் கௌரவ (டாக்டர்) ஜகத் விக்கிரமரத்ன கலந்துகொண்டார். சிறப்பு விருந்தினர்களாக யாழ்ப்பாணம் மற்றும் கிளிநொச்சி மாவட்டங்களின் ஒருங்கிணைப்புக் குழுத் தலைவரும் கடற்றொழில், நீரியல் மற்றும் கடல்வளங்கள் அமைச்சருமான கௌரவ இராமலிங்கம் சந்திரசேகர், வன்னி மாவட்ட பாராளுமன்ற உறுப்பினர்களான கௌரவ (டாக்டர்) செல்லத்தம்பி திலகநாதன் மற்றும் கௌரவ மயில்வாகனம் ஜெகதீஸ்வரன் ஆகியோர் கலந்துகொண்டனர். இதன்போது குறித்த பிரதேச செயலாளர்கள் மற்றும் சனாதிபதி நிதியத்தின் பிரதேச விடய உத்தியோகத்தர்கள், பாராளுமன்ற சபாநாயகர் கௌரவ (டாக்டர்) ஜகத் விக்கிரமரத்ன அவர்களிடமிருந்து விருதுகளைப் பெற்றுக்கொண்டனர். இந்நிகழ்வில் சனாதிபதி நிதியத்தின் செயலாளர் திரு. ரொஷான் கமகே, யாழ்ப்பாணப் பல்கலைக்கழகத்தின் சிரேஷ்ட விரிவுரையாளர் திரு. விமல் சாமிநாதன், வடக்கு மாகாணத்தின் யாழ்ப்பாணம், கிளிநொச்சி, முல்லைத்தீவு, வவுனியா மற்றும் மன்னார் மாவட்ட அரசாங்க அதிபர்கள், வவுனியா மாவட்ட மேலதிக அரசாங்க அதிபர் உள்ளிட்ட அரச அதிகாரிகள் பலரும் கலந்துகொண்டனர்.

<

இலங்கை வெளிநாட்டு வேலைவாய்ப்பு பணியகத்தின் ஏற்பாட்டின் மூலம் வெளிநாட்டு வேலைவாய்ப்பை எதிர்பார்க்கும் இளைஞர் மற்றும் யுவதிகளுக்கு தொழிற்சந்தை மற்றும் ஜப்பான் தொழில் வாய்ப்புகள் தொடர்பான அறிவூட்டல் நிகழ்ச்சி நடைபெற இருப்பதால் கிராம மட்டத்தில் வெளிநாட்டு வேலைவாய்ப்பை எதிர்பார்க்கும் மற்றும் ஆர்வமுள்ள அனைவரையும் பங்கு பற்றி பயனடையுமாறு கேட்டுக் கொள்கின்றோம்.

கோப்பாய் பிரதேச செயலகத்திற்கு உட்பட்ட கிராம சேவையாளர் அலுவலகங்களில் கடமையாற்றும் கிராம அலுவலர்கள், சமுர்த்தி அலுவலர்கள், சமூக வலுவூட்டல் அலுவலர்கள் ஆகிய அரச அலுவலர்களினால் அரச சேவையினை பெற்றுக் கொள்ளும் போது பொது மக்கள் எதிர் கொள்ளும் தேவையற்ற காலதாமதங்கள் மற்றும் தடைகள் தொடர்பான விடயங்கள் குறித்து நேரடியாக பிரதேச செயலாளருக்கு இந்த வாட்ஸ்அப் 070 133 0011 (WhatsApp) இலக்கத்தின் ஊடாக  செய்தியாக  அனுப்பி வைக்கலாம் அல்லது QR இனை SCAN செய்வதன் மூலம் உங்கள் அபிப்பிராயங்களை அனுப்பி வைக்கலாம் என்பதனை தெரிவித்துக் கொள்கின்றோம்.