Divisional Secretariat - Kopay

 "ஒவ்வொரு சைகையிலும் கேட்கப்படாத குரலின் மதிப்பு உள்ளது,

அனைவருக்கும் சமமான வாய்ப்புகள் நிறைந்த ஒரு சுமுகமான சமூகத்தை உருவாக்குவோம்!"

 <

இன்றைய தினம் (22.09.2026) வள்ளலார் சன்மார்க்க சபையினால் 50 வறுமையான குடும்பங்களுக்கு 2500 ரூபாய் பெறுமதியான உலர் உணவுப்பொதிகள் வழங்கி வைக்கப்பட்டன. இந்நிகழ்வில் வள்ளலார் சன்மார்க்க சபை பிரதிநிதிகள், பிரதித் திட்டமிடல் பணிப்பாளர், பிரதேச செயலக உத்தியோகத்தர்கள் மற்றும் பயனாளிகள் ஆகியோர் கலந்து கொண்டனர்.

<

கிராமிய அபிவிருத்தி சமூக பாதுகாப்பு மற்றும் சமூக வலுவூட்டுகை அமைச்சின் நிதி உதவியுடன் கோப்பாய் வடக்கில் உள்ள முதியோர் பகல் பராமரிப்பு நிலையத்தில் 22.09.2026 அன்று "முதியோர் சமூகத்தின் மனநலத்தை பேணுதல்" என்னும் தொனிப் பொருளில் விழிப்புணர்வு நிகழ்வானது உளவளத் துணை உத்தியோகத்தரினால் நடாத்தப்பட்டது இந்நிகழ்வில் 50 முதியோர்கள் கலந்து கொண்டனர் மேலும் எமது பிரதேச செயலக உத்தியோகத்தர்களான பெண்கள் அபிவிருத்தி உத்தியோகத்தர், போதை தடுப்பு உத்தியோகத்தர்கள் ஆகியோர் நிகழ்வில் கருத்துரைகளை வழங்கினார்கள்.

<

யாழ் மாவட்டச்செயலகமும் மனிதவலு வேலைவாய்ப்புத்திணைக்களமும் இணைந்து நடாத்துகின்ற தொழிற்சந்தை நிகழ்வானது எதிர்வரும் 03.10.2026 சனிக்கிழமை யாழ் மாவட்டச்செயலகத்தில் காலை 8.30 மணிமுதல் 1.30 மணிவரை நடைபெற இருக்கின்றது. இந்த தொழிற்சந்தை நிகழ்வில் தனியார் துறையில் காணப்படும் பல்வேறுபட்ட வெற்றிடங்களை நிரப்புவதற்கான நேர்முகத்தேர்வுகள் இடம்பெற இருப்பதனால் தனியார் துறையில் வேலை வாய்ப்பொன்றினை பெற்றுக்கொள்ள விருப்பமுள்ளவர்கள் மாவட்டச்செயலகத்தில் குறித்த தினம் நேரடியாக வந்து தங்களது தொழில் வாய்ப்பினை பெற்றுக்கொள்ள முடியும் என்பதுடன் தங்களது வருகையினை உறுதிப்படுத்தும் வகையில் இங்கு காணப்படும் QR Code இனை Scan செய்து தங்களது தகவல்களை பதிவு செய்யவும்.