பிரதேச செயலகம் - கோப்பாய்

அலுவலக புதிய சிற்றுண்டிச்சாலை பால் காய்ச்சும் நிகழ்வு இன்று(04.05.2022) ஆம் திகதி காலை 9.30 மணியளவில் இடம்பெற்றது.

பிறந்துள்ள சுபகிருது சிங்கள தமிழ் சித்திரைப் புத்தாண்டிற்கான வேலை நாளின் ஆரம்பத்திற்காக இன்று காலை சுப நேரத்தில் 9.05 மணியளவில் எமது அலுவலகத்தில் ஊழியர் நலன்புரிச் சங்கத்தின் ஒழுங்கமைப்பில் பிரதேச செயலாளரால் உத்தியோகத்தர்களுக்கு கைவிசேடம் வழங்கும் நிகழ்வு இடம்பெற்று தொடர்ந்து விசேட பூஜை வழிபாடு செல்வ விநாயகர் ஆலயத்தில் இடம்பெற்றது.

பிற்பகல் 1.30 மணியளவில் எமது பிரதேச செயலக வளாகத்தில் பாரம்பரிய விளையாட்டு நிகழ்வு இடம்பெற்றது. இந்நிகழ்வில் கோலம்போடுதல், மாலை கட்டுதல், கிடுகு பின்னுதல், தேங்காய் திருவுதல், குருட்டு யானைக்கு கண் வைத்தல், முட்டி அடித்தல், நீர் நிரப்பிய பலூன் எறிந்து ஏந்துதல் போன்ற பாரம்பரிய விளையாட்டுக்கள் நடைபெற்று வெற்றி பெற்றவர்களுக்கு பரிசில்களும் வழங்கப்பட்டு இந்நிகழ்வானது இனிதே நிறைவடைந்தது.

 

நாட்டில் நிலவும் பொருளாதார நெருக்கடி காரணமாக வறுமை கோட்டிற்குட்பட்ட நலிவுற்ற குடும்பங்களுக்கு பிரதேச செயலக ஒழுங்குபடுத்தலில் உதவிப் பிரதேச செயலாளரின் பங்குபற்றுதலுடன், LOLC தனியார் நிதி நிறுவனத்தின் நிதி பங்களிப்புடனும் சக்தி TV அனுசரனையுடனும் எமது பிரதேச செயலகத்திற்குட்பட்ட புத்தூர் மேற்கு ( J/273 ) கிராம சேவையாளர் பிரிவின் கலைமதி கிராமத்தில் 60 பயனாளிகளுக்கும் மற்றும் புத்தூர் கிழக்கு(J/278) கிராமசேவையாளர் பிரிவின் ஊறணி கிராமத்தில் 100 பயனாளிகளுக்கும் தலா ரூபா 6000 பெறுமதியான உலர்உணவு பொதி இன்றைய தினம் 04.05.2022 காலை 9.00 மணியளவில் குறித்த நிறுவனத்தால் அந்தந்த கிராமசேவையாளர் பிரிவுகளில் வழங்கி வைக்கப்பட்டது.

வீதிப் பாதுகாப்பு பயிற்சிப்பட்டறையானது எமது பிரதேச செயலகத்தில் தெரிவு செய்யப்பட்ட அலுவலர்களுக்கு 22.03.2022 ஆம் திகதி  நிகழ்த்தப்பட்டது.